
اسلام آباد وفاقی حکومت نے بجلی کے نرخوں میں کمی کیلئے اقدامات تیز کرنے کا فیصلہ کیا ہے اور بجلی بلوں پر ٹیکسز کا بوجھ کم کرنیکی بھی تجویز بھی زیر غور ہیں۔وزارت توانائی کے مطابق بجلی کے نرخوں میں کمی کیلئے وزارت توانائی کا مختلف آپشنز پر کام جاریہے،ابتدائی طور پر 5 آئی پی پیز سے معاہدے ختم کئے جا چکے ہیں،پانچ معاہدوں کے خاتمہ سے مجموعی طورپر 411 ارب روپے کی بچت ہوگی،پانچوں معاہدوں کے خاتمے سے سالانہ بچت 70 ارب روپے بنتی ہے۔وزارت توانائی کے مطابق بگاس کے 8 پاورپلانٹس کا ٹیرف تبدیل کئے جانے سے بھی اربوں کی بچت کا تخمینہ لگایا گیا ہے۔حکام کے مطابق بگاس کے 8 پاور پلانٹس کے ریٹ تبدیلی سے 238 ارب روپے کی بچت ہوگی، بگاس پاور پلانٹس کے ٹیرف تبدیلی کی سالانہ 8 ارب 83 کروڑ روپے بنتی ہے،16 آئی پی پیز سے نظر ثانی شدہ معاہدوں سے 481 ارب روپے کا فائدہ ہوگا۔وزارت توانائی کے مطابق معاہدوں کے خاتمے یا ان میں تبدیلی کا فائدہ صارفین تک پہنچایا جائے گا،ذرائع کے مطابق بجلی بلوں پر ٹیکسز کا بوجھ کم کرنیکی بھی تجویز بھی زیر غور ہیں۔