اسلام آباد (الفجرآن لائن) وفاقی حکومت نے مہنگائی کے ستائے ہوئے عوام کو بڑا ریلیف دیتے ہوئے پٹرولیم مصنوعات کی قیمتوں میں کمی کا باقاعدہ نوٹیفیکیشن جاری کر دیا ہے۔ وزارتِ خزانہ کے جاری کردہ اعلامیے کے مطابق، پٹرول کی فی لیٹر قیمت میں 3 روپے 39 پیسے جبکہ ہائی اسپیڈ ڈیزل کی قیمت میں 4 روپے 7 پیسے فی لیٹر کمی کی گئی ہے۔ حکام کا کہنا ہے کہ عالمی مارکیٹ میں تیل کی قیمتوں میں ہونے والے اتار چڑھاؤ کے پیشِ نظر یہ فیصلہ کیا گیا ہے تاکہ عوام کو براہِ راست ریلیف پہنچایا جا سکے۔ ان نئی قیمتوں کا اطلاق فوری طور پر ہو چکا ہے، جس سے ٹرانسپورٹ کے کرایوں اور عام اشیاء کی قیمتوں میں بھی کمی کی امید ظاہر کی جا رہی ہے
