
کراچی : نیپرا نے کراچی کے شہریوں پر بم گراتے ہوئے بجلی9روپے 98 پیسے فی یونٹ مہنگی کردی۔
تفصیلات کے مطابق نیپرا نے کراچی کے شہریوں کیلئے بجلی 9 روپے 98 پیسے فی یونٹ مہنگی کرنے کا نوٹیفکیشن جاری کردیا۔ نوٹیفکیشن کے مطابق بجلی ماہانہ فیوس ایڈجسٹمنٹ کی مد میں مہنگائی کی گئی ہے ، صارفین سے اضافی وصولیاں جون تا ستمبر میں میں کی جائیں گی۔
جاری نوٹیفکیشن کے مطابق کے الیکٹرک صارفین کو جون میں 2روپے 67پیسے فی یونٹ اضافی ،جولائی میں 3روپے 10پیسے فی یونٹ اضافی ،اگست میں 3روپے 22 پیسے فی یونٹ اضافی جبکہ ستمبر میں 99پیسے فی یونٹ اضافی ادا کرنا ہوں گے۔نوٹیفکیشن کے مطابق اس اضافے کا اطلاق کے الیکٹرک کے لائف لائن صارفین پر نہیں ہوگا۔