زیارت،کلاؤڈ برسٹ، ڈیم ٹوٹنے سے کئی علاقے زیر آب

زیارت (الفجرآن لائن) زیار ت میں کلاؤڈ برسٹ سے مڑہ ڈیلے ایکشن ڈیم ٹوٹنے سے کئی علاقے زیر آب آگئے۔ تفصیلات کے مطابق بلوچستان کے ضلع زیارت میں کلاؤڈ برسٹ سے مڑہ ڈیلے ایکشن ڈیم ٹوٹنے سے زندرہ سمیت کئی علاقوں میں پانی داخل ہو گیا۔میڈیا سے گفتگو کرتے ہوئے ڈی جی پی ڈی ایم اے جہانزیب خان نے بتایا کہ زیارت میں کئی مقامات پر کلاوڈ برسٹ ہوا ہے۔انہوں نے بتایا کہ لنک روڈ زندرہ بہہ جانے سے 10 دیہات کا زمینی رابطہ منقطع ہو گیا ہے۔انہوں نے کہا کہ زیارت، قلعہ سیف اللّٰہ اور لورالائی سڑک کھلنے میں 24 گھنٹے لگ سکتے ہیں۔