راولپنڈی (الفجرآن لائن)اڈیالہ جیل راولپنڈی کے افسران کی جانب سے بانی پی ٹی آئی کی مبینہ سہولت کاری سامنے پر ان کے سیل کی سیکیورٹی پر تعینات اہلکاروں کی کڑی نگرانی کا فیصلہ کیا گیا ہے۔ تفصیلات کے مطابق انتظامیہ نے اڈیالہ جیل راولپنڈی میں افسران کی جانب سے بانی پی ٹی آئی کی مبینہ سہولت کاری سامنے آنے پر ان کے سیل کی سیکیورٹی پر مامور اہلکاروں کی کڑی نگرانی کا فیصلہ کیا ہے جس کے تحت ہر ہفتہ کو عملہ تبدیل کیا جائے گا جبکہ سیکیورٹی اداروں کے اہلکار بھی سیل کے اطراف تعینات رہیں گے۔
ذرائع کے مطابق جیل میں ہونیوالی سماعت کے دوران بھی جیل عملے کو صحافیوں، وکلاء، پارٹی رہنماؤں سے دور رہنے کی ہدایت کی گئی ہے۔ جیل ذرائع کے مطابق جیل کے اندر رہائش پذیر اہلکاروں کی بھی مکمل تلاشی لی جائے گی۔
