راولپنڈی (الفجرآن لائن) راولپنڈی تعلیمی بورڈ نے 26 اگست کو چہلم حضرت امام حسینؓ کے موقع پر ڈویژن بھر میں امتحانات ملتوی کردیئے۔ تفصیلات کے مطابق راولپنڈی تعلیمی بورڈ نے 26 اگست کو چہلم حضرت امام حسینؓ کے موقع پر عام تعطیل کا اعلان کرتے ہوئے ڈویژن بھر میں امتحانات ملتوی کردیئے ہیں۔ جاری بیان کے مطابق تعطیل کے باعث کیمسٹری، اسلامی تاریخ،درس نظامی،جنرل سائنس، کلاتھنگ اینڈ ٹیکسٹائل گروپ کے امتحانات ملتوی کئے گئے ہیں۔
کنٹرولر امتحانات راولپنڈی کے مطابق ملتوی شدہ امتحانات الاٹ شدہ مراکز میں دوبارہ 18 ستمبر کو ہوں گے،ریگولر امیدوار کی نئی رول نمبر سلپس ان کے پورٹل پر جبکہ پرائیویٹ امیدوار کی رول نمبر سلپس بورڈ کی ویب سائٹ پر اپ لوڈ کی جائینگی جنہیں امیدواراپنا رول نمبر، آن لائن داخلہ فارم نمبر یا ب فارم نمبر انٹر کر کے ڈاؤن لوڈ کر سکتے ہیں۔
