عدالت نے جرائم کا ارتکاب کرنے والے افراد کو 106سال قید کی سزا سنائی، زیادتی کا شکار دونوں لڑکیوں کی عمر 11سے 15سال کے درمیان تھی
لندن(الفجرآن لائن) برطانیہ کی شیفلڈ کراؤن کورٹ نے کم عمر لڑکیوں سے زیادتی میں ملوث گینگ کے 7ارکان کو قید کی سزا سنا دی،غیر ملکی میڈیا کے مطابق برطانیہ کے ٹاؤن رودرہم میں 2نوعمر لڑکیوں کو جنسی زیادتی کا نشانہ بنایا گیا تھا جس پر عدالت نے جرائم کا ارتکاب کرنے والے 7افراد کو 106سال قید کی سزا سنائی ہے، دونوں لڑکیوں کی عمر 11سے 15سال کے درمیان تھی جبکہ ملزمان کی جانب سے زیادتی سے قبل انہیں شراب اور منشیات بھی دی جاتی تھی،میڈیا رپورٹس میں مزید بتایا گیا ہے کہ ملزمان کو نیشنل کرائم ایجنسی کی تحقیقات کے بعد شیفلڈ کراؤن کورٹ کی جانب سے سزا سنائی گئی تھی،واضح رہے کم عمر لڑکیوں سے زیادتی کے واقعات 2000کی دہائی میں ہوئے تھے۔
