اسلام آباد (الفجرآن لائن) اسلام آباد میں چکن گونیا کا پہلا تصدیق شدہ کیس رپورٹ ہو گیا۔پمز انفیکشس ڈیزیز ڈیپارٹمنٹ نے پمز ہسپتال میں زیر علاج ترلائی کی خاتون میں چکن گونیا کی تصدیق کر دی۔ڈاکٹر نسیم اختر نے بتایا ہے کہ مریضہ کا بلڈ سیمپل قومی ادارہ صحت بھیجا گیا جہاں خاتون میں چکن گونیا کی تصدیق ہوئی ہے۔ماہرین کے مطابق چکن گونیا کا مرض ڈینگی پھیلانے والے مچھر کے ذریعے ہی پھیلتا ہے، چکن گونیا کے مرض میں جوڑوں میں شدید درد، سوجن، بخار اور چلنے میں تکلیف ہوتی ہے۔انہوں نے بتایا کہ چکن گونیا سے بچنے کیلئے مچھروں سے بچا ؤاور خاتمہ ضروری ہے۔این آئی ایچ اسلام آباد کے مطابق چکن گونیا کے کیس کراچی اور خیبر پختونخوا سے زیادہ رپورٹ ہو رہے ہیں۔
