لاہور (الفجرآن لائن) حکومت پنجاب نے لاہور میں بڑھتی سموگ کے پیش نظر تعلیمی اداروں میں تین روزہ تعطیل، اوقات کار میں تبدیلی پر غور شروع کردیا۔ تفصیلات کے مطابق حکومت پنجاب نے سموگ کی بگڑتی صورتحال اور بچوں کی صحت کے پیش نظر لاہور میں تعلیمی اداروں کو 3روز جمعہ، ہفتہ، اتوار بند کرنے اور اوقات کار میں تبدیلی پر غور شروع کردیا ہے۔ترجمان ادارہ تحفظ ماحولیات کے مطابق فیصلہ نومبر کے پہلے ہفتے میں ہونیوالے سموگ اجلاس میں صورتحال کا جائزہ لینے کے بعد کیا جائے گا۔ آئی کیو ائیر کے مطابق لاہور میں اوسط ائیر کوالٹی کی شرح 208 ریکارڈ کی گئی ہے،شملہ پہاڑی 170، ٹاؤن ہال 209، پنجاب یونیورسٹی 199، یو ایس قونصلیٹ 322، یو ایم ٹی 277اور جیل روڈ پر 246ریکارڈ کی گئی۔
