لاہور (الفجرآن لائن) لاہور پولیس نے کروڑو ں روپے کی منشیات سمگل کرنے کی کوشش ناکام بنا کر 4 ملزمان کو گرفتار کرلیا۔ ایس پی سٹی کے مطابق لاہور کے شاہدرہ ٹاؤن ایک کارروائی کے دوران کروڑوں روپے کی منشیات برآمد کر کے سمگلنگ کی کوشش ناکام بنادی گئی ہے۔ انہوں نے بتایا کہ کارروائی کے دوران چار ملزمان کو گرفتار کیا گیاہے۔ ملزم عدنان کے قبضہ سے 134کلو چرس اور 88کلو افیون، ملزم ذیشان کے قبضہ سے 10کلو 800گرام چرس اور ملزمان ہاشم اور عثمان کے قبضہ سے 9کلو 600گرام چرس برآمد ہوئی ہے۔ انہوں نے بتایا کہ ملزمان شہر کے پوش ایریا میں منشیات لا کر تعلیمی اداروں سمیت مختلف مقامات پر فروخت کرتے تھے۔ انہوں نے بتایا کہ ملزمان کیخلاف مقدمات درج کر کے تحقیقات کا آغاز کر دیا گیا ہے جبکہ ملزمان کے زیر استعمال گاڑی کو بھی پولیس تحویل میں لے لیا گیا ہے
