بھارت، مردہ شخص آخری رسومات سے قبل زندہ ہوگیا

نئی دہلی(الفجر آن لائن)بھارت میں مردہ شخص شمشان گھاٹ میں اپنی آخری رسومات سے قبل اچانک زندہ ہوگیا۔ بھارتی میڈیا کے مطابق ریاست راجستھان کا قوت گویائی اور سماعت سے محروم  25 سالہ نوجوان روہتاش یتیم خانے میں زندگی گزار  رہا تھا۔ اس کی طبیعت خراب ہونے کے سبب اسے علاج کیلئے اسپتال منتقل کیا گیا جہاں ڈاکٹرز نے اسے مردہ قرار دے دیا۔  رسمی کارروائی مکمل کرنے کے بعد اسے ایمبولینس کے ذریعے شمشان گھاٹ لے جایا گیا۔ شمشان گھاٹ میں روہتاش کی لاش کو جلانے کیلئے تیاریاں کی ہی جارہی تھیں تو روہتاش اچانک سانس لینے لگا اور  اس کا جسم حرکت کرنے لگا جسے دیکھ کر لوگ خوفزدہ ہوگئے اور روہتاش کو فوری اسپتال لے گئے جہاں آئی سی یو میں کچھ وقت گزارنے کے بعد ڈاکٹرز نے روہتاش کی صحت کو خطرے سے باہر قرار دے دیا۔  ضلعی انتظامیہ نے واقعے کی اطلاع ملتے ہی 4 ڈاکٹرز کو نوکری سے فارغ کردیا۔