چمن (الفجر آن لائن) چمن میں خسرے کے باعث 4 بچے جان کی بازی ہار گئے۔ ذرائع کے مطابق چمن سمیت مختلف علاقوں میں بڑی تعداد میں بچے خسرہ میں مبتلا ہو گئے۔سربراہ ایمرجنسی رسپانس ٹیم علی اچکزئی کے مطابق روغانی ون اور ٹو میں 4بچوں کی خسرہ سے اموات ہوئی ہیں،متاثرہ بچوں کے والدین حفاظتی ٹیکے لگوانے سے انکاری پائے گئے ہیں۔انہوں نے بتایا کہ خسرے سے متاثرہ علاقوں میں امدادی ٹیمیں پہنچ گئی ہیں جبکہ متاثرہ بچوں کے علاج معالجے کیلئے ایف سی کی جانب سے فری میڈیکل کیمپس کا انعقاد بھی کیا جارہاہے۔
