اسکاٹ کولم نے ریپبلکن امیدوار سینڈی ہائیڈ اسمتھ کو شکست دے دی، ریاست سے 1982 کے بعد پہلی بار ڈیموکریٹ سینیٹر منتخب ہوا
واشنگٹن (الفجرآن لائن) امریکا کے 2026 کے مڈٹرم انتخابات میں ریاست مسی سپی سے ڈیموکریٹ امیدوار اسکاٹ کولم نے ریپبلکن سینیٹر سینڈی ہائیڈ اسمتھ کو شکست دے کر تاریخ رقم کردی۔ اس کامیابی کے بعد وہ ریاست کی جانب سے امریکی سینیٹ کے لیے منتخب ہونے والے پہلے سیاہ فام امیدوار بن گئے ہیں، جن کا انتخاب تعمیرِ نو کے دور (ری کنسٹرکشن) کے بعد ایک تاریخی پیش رفت قرار دیا جا رہا ہے۔
امریکی میڈیا اور ایسوسی ایٹڈ پریس کے مطابق اسکاٹ کولم نے سخت مقابلے کے بعد اپنی ریپبلکن حریف سینڈی ہائیڈ اسمتھ کو شکست دی۔ اس انتخابی نتیجے کے ساتھ مسی سپی سے 1982 کے بعد پہلی مرتبہ ڈیموکریٹ امیدوار امریکی سینیٹ کی نشست حاصل کرنے میں کامیاب ہوا ہے۔
اسکاٹ کولم کی کامیابی کے بعد سینڈی ہائیڈ اسمتھ کی سینیٹ میں نشست ختم ہوگئی، جو 2018 سے اس عہدے پر فائز تھیں۔ کولم کی کامیابی کو ریاست کی سیاسی تاریخ میں اہم تبدیلی قرار دیا جا رہا ہے، جہاں کئی دہائیوں سے ریپبلکن امیدواروں کا غلبہ رہا ہے۔
رپورٹس کے مطابق اسکاٹ کولم شمالی مسی سپی میں ڈسٹرکٹ اٹارنی کے طور پر خدمات انجام دے چکے ہیں۔ انتخابی نتائج میں انہیں تقریباً 49.2 فیصد جبکہ سینڈی ہائیڈ اسمتھ کو 48.7 فیصد ووٹ حاصل ہوئے۔ ان کی کامیابی کا اعلان کئی روز تک جاری رہنے والی ووٹوں کی گنتی کے بعد کیا گیا۔
اس کامیابی کے نتیجے میں امریکی سینیٹ میں ڈیموکریٹس کی تعداد 55 ہوگئی ہے، جبکہ ریپبلکن ارکان کی تعداد 44 بتائی گئی ہے۔ تاہم انتخابی نتائج کی باضابطہ تصدیق کا عمل تاحال متعلقہ حکام کے مراحل سے گزر رہا ہے۔
اسکاٹ کولم کی کامیابی کو نہ صرف ڈیموکریٹک پارٹی بلکہ ریاست مسی سپی کی انتخابی تاریخ میں بھی ایک نمایاں سنگِ میل قرار دیا جا رہا ہے۔
