یومیہ 5لاکھ لوگ ملازمت ، تعلیم کی غرض سے سفر کرتے ہیں، سڑکوں کی بندش سے شہریوں کو مشکلات ہوںگی، احتجاج کی اجازت نہیں دی جاسکتی، بیان
اسلام آباد (الفجرآن لائن)ڈپٹی کمشنر اسلام آباد نے پی ٹی آئی کی جلسے کی درخواست مسترد کرتے ہوئے کہا ہے کہ یومیہ پانچ لاکھ لوگ ملازمت ، تعلیم کی غرض سے سفر کرتے ہیں، سڑکوں کی بندش سے شہریوں کو مشکلات ہوںگی، احتجاج کی اجازت نہیں دی جاسکتی۔ تفصیلات کے مطابق وفاقی دارالحکومت کی انتظامیہ نے پی ٹی آئی کی اجازت کی درخواست مسترد کردی ہے۔
جاری بیان میں ڈپٹی کمشنر اسلام آباد نے کہا ہے کہ اسلام آباد میں 60سے زائد سفارتخانے اور عالمی اداروں کے دفاتر ہیں، سفارتکار اور غیرملکی مختلف سیکٹرزمیں رہتے ہیں، شہر میں احتجاج اور ریلیاں غیرملکیوں کی نقل و حرکت کو متاثر کریں گے۔انہوں نے کہا کہ یومیہ 5لاکھ لوگ بھی ملازمت یا تعلیم کی غرض سے سفرکرتے ہیں، احتجاج انہیں ان کے بنیادی حق سے محروم کرے گا۔انہوں نے کہا کہ سڑکوں کی بندش سے شہریوں کو مشکلات ہوں گی، ان وجوہات کے باعث احتجاج کی اجازت نہیں دی جا سکتی۔
