اسلام آباد (الفجرآن لائن) الیکشن کمیشن نے سیاسی جماعتوں کو 29 اگست تک گوشوارے جمع کرانے کی ہدایت کردی۔تفصیلات کے مطابق الیکشن کمیشن نے تمام سیاسی جماعتوں کے سربراہان کو اپنے اکاؤنٹس کے مربوط گوشوارے29اگست تک جمع کرانے کی ہدایت کر دی۔
جاری اعلامئے میں کہا گیا ہے کہ سیاسی جماعتیں مالی سال کے اختتام کے بعد 60دن کے اندر کمیشن کو اپنے گوشوارے فارم ڈی پر چارٹرڈ اکانٹنٹ کے ذریعے تفصیلات کے ساتھ پیش کریں گی،سالانہ آمدنی اور اخراجات، فنڈنگ کے ذرائع، اثاثہ جات اور واجبات الیکشن کمیشن میں جمع کرانا ہوں گے۔بیان میں پارٹی سربراہان کو ہدایت کی ہے کہ کمیشن کو پیش کی جانے والی تفصیلات، سیاسی جماعت کی آڈٹ رپورٹ پارٹی سربراہ کی جانب سے مجاز عہدیدار کی دستخط شدہ ہوں۔
