کرام (الفجرآن لائن) ضلع کرم میں قبائل کے درمیان تین روز سے جاری مسلح تصادم کے نتیجے میں 12 افراد جاں بحق، متعدد زخمی ہوگئے۔ اطلاعات کے مطابق خیبرپختونخوا کے علاقے ضلع کرم کے مختلف علاقوں میں قبائل کے درمیان تین روز سے جاری مسلح تصادم کے نتیجے میں 12 افراد جاں بحق،متعدد زخمی ہوگئے۔ذرائع کے مطابق فریقین ایک دوسرے پر راکٹ، میزائل، سمیت بھاری اسلحے سے فائرنگ کررہے ہیں۔ پولیس کے مطابق قبائل کے درمیان لڑائی گاؤں بوشہرہ اور گاؤں احمد زئی میں مورچوں کی تعمیر پر ہوئی جو بالش خیل، خار کلی، صدہ، پیواڑ، تری منگل، بغکی، مقبل اور کنج علیزئی تک پھیل گئی ہے۔
پولیس کے مطابق قبائل کے درمیان فائرنگ کا تبادلہ تاحال جاری ہے،پولیس انتظامیہ کیساتھ مل کر حالات پرقابو پانے کی کوشش کر رہی ہے۔دوسری جانب جھڑپوں کے باعث پاراچنار شاہراہ ہر قسم کی آمد و رفت کیلئے بند کردی گئی ہے جس کے باعث مسافروں کو مشکلات کا سامنا ہے۔
