آئینی عدالت کی بجائے سپریم کورٹ کا بینچ بنانے ،سپریم وہائیکورٹس کے اختیارات ،ججز کی عمر 65 سال برقرار رکھنے کی تجاویز
اسلام آباد (الفجرآن لائن) جمعیت علمائے اسلام (ف) نے آئینی اصلاحات بارے 23نکات پر مشتمل مسودہ تیار کرلیا۔ نجی ٹی وی کے مطابق جے یو آئی (ف) نے آئینی اصلاحات بارے23 نکات پر مشتمل مسودہ تیار کرلیا ہے جس میں آئینی عدالت کی بجائے سپریم کورٹ کا بینچ بنانے کی تجویز شامل ہے۔جے یو آئی نے تجویز دی ہے کہ پٹیشنز چیف جسٹس کی سربراہی میں سپریم کورٹ کے 5سینئرججزسنیں،سپریم کورٹ اورہائیکورٹس کے موجودہ اختیارات اور ججز کی عمر 65 سال برقرار رکھی جائے۔ تجویز دی گئی ہے کہ آرٹیکل 8، آرٹیکل199میں کوئی تبدیلی نہ کی جائے ۔مسودے میں کہا گیا ہے کہ آرٹیکل 63اے میں کوئی ترمیم تجویز نہیں کی جائے گی، ججزکی تعیناتی سے متعلق 18ویں ترمیم کا طریقہ کار بحال کیاجائے اور قانون سازی میں اسلامی نظریاتی کونسل کی سفارشات کو اہمیت دی جائے۔ذرائع کے مطابق جے یو آئی جلد آئینی ترمیم کا مسودہ پیپلزپارٹی اور پی ٹی آئی سے شیئرکرے گی۔
