لاہور (الفجرآن لائن) چیف جسٹس قاضی فائز عیسیٰ کو جان سے مارنے کی دھمکی پر نائب امیر ٹی ایل پی پیر ظہیر الحسن شاہ کیخلاف مقدمہ درج کر لیا گیا۔تفصیلات کے مطابق چیف جسٹس قاضی فائز عیسیٰ کو جان سے مارنے کی دھمکی دینے پر نائب امیر ٹی ایل پی پیر ظہیر الحسن شاہ سمیت 1500کارکنان کیخلاف تھانہ قلعہ گجر سنگھ میں ایس ایچ او حماد حسین کی مدعیت میں مقدمہ درج کیا گیا ہے ۔
مقدمے میں انسداد دہشت گردی ایکٹ، مذہبی منافرت، فساد پھیلانے، عدلیہ پر دباؤ ڈالنے، علی عدلیہ کو دھمکی، کار سرکار میں مداخلت اور قانونی فرائض میں رکاوٹ ڈالنے کی دفعات شامل کی گئی ہیں۔ایف آئی آر کے مطابق پریس کلب کے باہر احتجاج میں پیر ظہیر الحسن نے اعلی عدلیہ کیخلاف نفرت پھیلائی اور چیف جسٹس کا سر لانے والے کو 1کروڑ روپے دینے کا اعلان کیا۔
