گھٹنے ٹیک کر اللہ سے مکمل سچائی دکھانے کی دعا ء کی تھی ، قرآن پڑھ کر احساس ہوا یہ اللہ کاسچا کلام ہے، سابق پادری ڈیوڈ
کینبرا(الفجرآن لائن) 45 سال تک عیسائیت کی تبلیغ کرنے کے بعد آسٹریلوی پادری گوڈ ڈیوز نے اسلام قبول کرلیا۔ غیر ملکی میڈیا کے مطابق آسٹریلوی پادری نے زندگی کے 45سال چرچ میں وقف کرنے کے بعد اسلام قبول کرلیا ،رپورٹ کے مطابق پادری گولڈ ڈیوڈ نے قبول اسلام کے بعد اپنا نام عبدالرحمن رکھا ہے۔
گولڈڈیوڈ نے بتایا کہ اپنے بہنوئی کے جنازے میں شرکت کیلئے پرتھ کے سفر کے دوران اسلام سے متاثر ہوا تھا، وہاں میری رہائش مرکزی مسجد سے محض 150میٹر کے فاصلے پر ایک ہوٹل میں تھی ،اچانک مسجد میں جانے کا دل چاہا جس پر وہاں جا کر امام مسجد سے ملاقات کی جنہوں نے مجھے تحفے میں قرآن پاک دیا ، حالانکہ اس سے قبل برسوں میرے پاس قرآن مجید رہا لیکن کبھی اسے چھو کر پڑھا نہیں تھا۔ مسجد سے واپس آ کر گھٹنے ٹیک کر اللہ سے دعاء کی کہ مجھے مکمل سچائی دکھا کہ اسلام سچ ہے یا نہیں۔ ڈیوڈ نے بتایا کہ پھر جب قرآن پڑھا تو مجھے فکری ، جذباتی اور روحانی طور پر احساس ہوا کہ اللہ کا یہ کلام سچا ہے جس پر اسلام قبول کرلیا۔
