اسلام آباد : گزشتہ 6 ماہ میں پی آئی اے طیاروں سے پرندے ٹکرانے کے 38 واقعات میں قومی ایئر لائن کو لاکھوں ڈالرز نقصان کا سامنا کرنا پڑگیا۔
تفصیلات کے مطابق پی آئی اے کی جانب سے طیاروں کیساتھ پرندے ٹکرانے بارے جاری کی گئی رپورٹ میں بتایا گیا ہے کہ گزشتہ 6 ماہ کے دوران قومی ایئرلائن کے طیاروں سے پرندے ٹکرانے کے 38 واقعات رپورٹ ہوئے ہیں جس کے نتیجے میں قومی ایئرلائن کو لاکھوں ڈالرز نقصان کا سامنا کرنا پڑا۔
رپورٹ کے مطابق پرندے ٹکرانے کے سب سے واقعات لاہور ایئرپورٹ پر پیش آئے۔ رپورٹ کے مطابق لاہور میں 14، کراچی میں 8، اسلام آباد میں 7، ملتان میں 4، سکھر، گلگت اور فیصل آباد ایئر پورٹ پر ایک، ایک پرندہ ٹکرانے کا واقعہ پیش آیا۔
رپورٹ کے مطابق جدہ اور دبئی ایئر پورٹ پر بھی قومی ایئرلائن کی پروازوں سے پرندے ٹکرانے کا ایک، ایک واقعہ رپورٹ ہوا ہے۔سول ایوی ایشن ذرائع کے مطابق پرندے ٹکرانے کے واقعات میں اضافہ بڑھتی آلودگی اور ان پر منڈلانے والے پرندوں کی تعداد بڑھنے کی وجہ ہے۔
