اسلام آباد : سی ڈی اے نے پارلیمنٹ ہاؤس میں چوہوں کے خاتمے کیلئے شکاری بلیوں کی خدمات لینے کا فیصلہ کیا ہے۔
اطلاعات کے مطابق سی ڈی اے نے پارلیمنٹ ہاؤس میں چوہوں کے خاتمے کیلئے شکاری بلیوں اور نجی شعبے کی کی خدمات لینے کا فیصلہ کرتے ہوئے 12 لاکھ روپے کا بجٹ مختص کردیا ہے۔ حکام کے مطابق چوہے پکڑنے کیلئے جالی لگی خصوصی کھڑکیاں بھی لگائی جائیں گی۔
حکام کے مطابق پارلیمنٹ ہاؤس کی چھتوں کی سیلنگ میں چوہوں کی بھرمار ہے، چوہے سینیٹ اور قومی اسمبلی کے مختلف شعبوں میں نقصان پہنچارہے ہیں جبکہ پارلیمنٹ کے کئی دفاتر کی فائلیں بھی کتر دی ہیں۔
