مظفر گڑھ (الفجرآن لائن) عدالت نے والدین سے راضی نامے پر تین کمسن بہنوں کے قاتل بھائی کو بری کردیا۔ تفصیلات کے مطابق مظفر گڑھ میں ایڈیشنل اینڈ سیشن عدالت کے جج چودھری محمد آصف نے تین کمسن بہنوں کو گلا کاٹ کر قتل کرنے کے مقدمے کی سماعت کی۔ عدالت نے والدین کی جانب سے راضی نامہ ہونے پر ملزم باسط کو بری کرنے کا حکم دے دیا۔ پولیس کے مطابق مظفر گڑھ کی تھرمل کالونی میں تین بہنوں 7 سالہ ابیہہ، 8 سالہ زہرہ اور 11 سالہ عریشہ کی گلہ کٹی لاشیں ان کے گھر سے متصل رہائشی کوارٹر سے برآمد ہوئی تھیں،واقعے کے بعد مقتول بہنوں کے بھائی باسط کو گرفتار کیا گیاتھاجس نے دوران تفتیش اعتراف جرم کرلیا تھا۔پولیس کے مطابق والدین کی جانب سے بیٹے سے راضی نامہ کئے جانے پر مقامی عدالت نے ملزم کو بری کرنے کا حکم دیا ہے۔دوسری جانب ڈی پی او مظفر گڑھ سید حسنین حیدر کے مطابق عدالت کا تحریری فیصلہ جاری ہونے کے بعد جائزہ لے کر فیصلے کیخلاف اپیل کا فیصلہ کیا جائے گا۔
