کراچی (الفجرآن لائن) وزٹ ویزے پر بیرون ملک جانیوالوں کیلئے ایک ہی ایئر لائن کا دو طرفہ ٹکٹ لازمی قرار دے دیا گیا۔ تفصیلات کے مطابق وزٹ ویزے پر بیرون ملک جانیوالے مسافروں کیلئے ایک ہی ائیرلائن کا دوطرفہ ٹکٹ لازم قراردے دیا گیا۔ایف آئی اے اور سول ایوی ایشن اتھارٹی کی جانب سے تمام ملکی وغیرملکی ایئرلائنز کو جاری مراسلے میں ہدایت کی گئی ہے کہ ایسے مسافروں کو بورڈنگ کارڈ کسی صورت جاری نہ کئے جائیں جو یکطرفہ ٹکٹ کے حامل ہوں۔مراسلے میں بیرون ممالک خصوصاً بینکاک، ملائیشیا اوردبئی جانے والوں مسافروں کیلئے ہدایات پرعملدرآمد لازمی قرار دے دیا گیا۔مراسلے کے مطابق وزٹ ویزوں پر جاری دوطرفہ ٹکٹ کیلئے الگ الگ ائیرلائنز ٹکٹ کی صورت میں پی این آرنمبر بھی ایک ہونا لازم ہوگا۔مراسلے میں ہدایت کی گئی ہے کہ ائیرپورٹ پر لو پروفائل کے حامل مسافروں کو ہدایات کے تحت لازمی چیک کیا جائے۔
