ملزمان گرفتار،مزید قانونی کارروائی کے لیے اے این ایف کے حوالے
اسلام آباد (الفجرآن لائن)اے ایس ایف نے اسلام آباد اور پشاور ایئر پورٹس پر بھاری مقدار میں منشیات کی اسمگلنگ ناکام بنا دی، دو ملزمان گرفتار، مجموعی طور پر 2کلو 376 گرام آئس منشیات برآمد کرلی۔ تفصیلات کے مطابق اے ایس ایف کے عملے نے پشاور ایئرپورٹ پر جدہ جانے والی پرواز کے مسافر سے 1.210 کلو گرام آئس برآمد کر لی۔ مسافر اقبال حسین نے آئس منشیات مٹھائی میں چھپا رکھی تھی۔ اسلام آباد ایئرپورٹ پر دوحہ جانے والی پرواز کے مسافر سے 1.166 کلو گرام آئس برآمد کی، مسافر شیر خان نے آئس ٹرالی بیگ کی تہوں میں چھپا رکھی تھی جسے گرفتار کر لیا گیا۔ ملزمان کو ابتدائی تفتیش کے بعد مزید قانونی کارروائی کے لیے اے این ایف کے حوالے کر دیا گیا۔
