حزب اللہ کا تل ابیب پر میزائل حملہ،خاتون ہلاک،6 فوجیوں سمیت 12 افراد زخمی
بیروت (الفجر آن لائن)اسرائیل کی لبنان پر بمباری کے نتیجے میں خاتون سمیت 5 افراد شہید اور 30 زخمی ہوگئے، زخمیوں میں متعدد کی حالت تشویشناک ہے۔غیر ملکی میڈیا کے مطابق اسرائیلی کے جنگی طیاروں نے لبنان کے دارالحکومت بیروت کے مرکزی علاقے کو نشانہ بنایا۔دوسری جانب حزب اللہ نے تل ابیب پر میزائل حملہ کر دیا جس میں 6 اسرائیلی زخمی ہو گئے۔ حزب اللہ کی جانب سے میزائل داغے جانے کے بعد تل ابیب میں سائرن بجائے گئے اور لوگوں کو گھروں میں رہنے کی ہدایت کی گئی۔ حزب اللہ کے حملے کے باعث بن گوران ائیرپورٹ پر فلائٹ آپریشن معطل کردیا گیا۔ ایک راکٹ بس پر بھی لگا۔ شمالی اسرائیل پر حزب اللہ کے حملے میں خاتون ہلاک اور 6 اسرائیلی فوجی زخمی ہوئے۔ اسرائیل نے حزب اللہ کے متعدد میزائل فضا میں ناکارہ بنانے کا دعوی کیا ہے
