مذاکرات کے تیسرے راؤنڈ سے پہلے بانی پی ٹی آئی سے ملاقات ضروری ہے‘ بیرسٹر گوہر

راولپنڈی چیئرمین پی ٹی آئی بیرسٹر گوہر خان نے کہا ہے کہ مذاکرات کے تیسرے راؤنڈ سے پہلے بانی پی ٹی آئی سے ملاقات ضروری ہے‘بشری بی بی مزاکراتی سلسلے میں بالکل شامل نہیں‘ان سے بیک ڈورمذاکرات کی اطلاعات درست نہیں‘بانی پی ٹی آئی نے القادر کیس میں کوئی ذاتی فوائد حاصل نہیں کئے،امیدہے بری ہو جائیں گے۔ اڈیالہ جیل کے باہرمیڈیا سے گفتگوکرتے ہوئے بیرسٹرگوہرعلی نے کہا کہ حکومتی مزاکراتی کمیٹی کے ساتھ مذاکرات کے دو اجلاس ہوچکے ہیں۔مذاکرات کے تیسرے راؤنڈ سے پہلے بانی پی ٹی آئی سے ملاقات کرنی ضرور ہے۔ہم نے حکومتی مزاکراتی کمیٹی کو بھی بتایا تھا بانی پی ٹی آئی سے ملاقات کرنی ہے۔امید تھی آج ملاقات ہوگی لیکن ابھی تک کوئی کنفرمیشن نہیں۔امید ہے کل ہماری بانی پی ٹی آئی سے ملاقات ہوجائے گی۔انہوں نے کہا کہ بشری بی بی مزاکراتی سلسلے میں بالکل شامل نہیں۔کسی نے غلط خبر دی ہے بشری بی بی کے ساتھ بیک ڈور مذاکرات چل رہے ہیں۔میں نے اس خبر کی تردید کی ہے ایسی کوئی بات نہیں۔ہمارے کوئی بیک ڈور رابطے نہیں نہ کوئی مذاکرات ہورہے۔جو کمیٹی بانی پی ٹی آئی نے بنائی ہے وہی مذاکرات کررہی ہے۔مذاکراتی کمیٹی کے دو اجلاسوں کے علاوہ کہیں کوئی میٹنگ نہیں ہوئی۔ایک سوال کے جواب میں بیرسٹرگوہر نے کہا کہ ہمارے دو ہی مطالبات ہیں اسیران کی رہائی اور جوڈیشل کمیشن کا قیام۔بانی پی ٹی آئی نے ان دو مطالبات کیلئے ٹائم فریم دیا ہے۔بانی پی ٹی آئی نے واضح کہا ہے 190 ملین پاؤند کا فیصلہ آنا چاہئے۔بیرسٹرگوہرنے کہا کہ بانی پی ٹی آئی نے القادر کیس میں کوئی ذاتی فوائد حاصل نہیں کئے ہیں۔گواہوں نے بھی عدالت میں بتایا ہے بانی پی ٹی آئی کا براہ راست کوئی لین دین نہیں تھا۔امید ہے القادر کیس میں بانی پی ٹی آئی اور بشری بی بی بری ہونگے