اسلام آباد، جعلی رسیدوں کا اجراء، 2ریسٹورنٹس سیل،5،5لاکھ جرمانہ عائد

اسلام آباد (الفجرآن لائن) ایف بی آر نے جعلی رسیدیں جاری کرنے پر 2 ریسٹورنٹس کو سیل کر کے 5،5لاکھ جرمانہ کردیا۔ ایف بی آر کے ریجنل ٹیکس آفس اسلام آباد نے ایک کارروائی کے دوران جعلی رسیدیں جاری کرنے پر 2ریسٹورنٹس کو سیل کر کے 5،5 لاکھ روپے جرمانہ عائد کردیا۔ایف بی آر کے مطابق پوائنٹ آف سیل ٹریکنگ سافٹ ویئر سے جعلی رسیدوں کی تصدیق ہوئی ہے۔ ایف بی آر کے مطابق 25 اکتوبر سے پوائنٹ آف سیل انعامی سکیم شروع کی جاچکی ہے، پہلے مرحلہ میں سکیم اسلام آباد میں ٹیئرون ریسٹورنٹس اور ریٹیلرز کیلئے متعارف کرائی گئی ہے، سکیم کو اگلے ماہ سے پورے ملک تک توسیع دی جائے گی۔ایف بی آر کے مطابق جعلی رسیدوں بارے ایف بی آر کو مطلع کرنیوالوں کو انعامات دیئے جائیں گے،نقد انعامی رقم صارفین کے اکاؤنٹس میں براہ راست منتقل کی جائے گی۔ ایف بی آ ر کے مطابق یہ اقدام جعلی رسیدوں کا رجحان روکنے کیلئے اٹھایا گیا ہے۔