گرفتار خواتین لاہور ایئرپورٹ سے بھی آف لوڈ ہوچکیں،قانونی کارروائی کیلئے انسداد انسانی سمگلنگ سرکل کراچی منتقل ، ترجمان
کراچی(الفجر آن لائن) ایف آئی اے نے کراچی ایئرپورٹ پر کارروائی میں عمرے کی آڑ میںگداگری کیلئے سعودیہ جانے کی کوشش کرنیوالی 3خواتین کو گرفتار کرلیا۔ترجمان ایف آئی اے کے مطابق گرفتار خواتین کی شناخت عروج فاطمہ، مریم نذیر اور جمیلہ بی بی کے نام سے ہوئی جنہوں نے عمرے کی آڑ میں گداگری کی غرض سے سعودی عرب جانے کی کوشش کی۔ترجمان کے مطابق مسافر خواتین کو امیگریشن کلیئرنس کے دوران مشکوک پایا گیا،ان کے پاس واپسی کی ٹکٹ اور ہوٹل بکنگ موجود نہ تھی جبکہ گرفتار خواتین کے پاس عمرہ ادائیگی کیلئے درکار ضروری رقم بھی ناکافی تھی،گرفتار خواتین کو اس سے قبل لاہور ایئرپورٹ سے بھی آف لوڈ کیا گیا تھا۔ترجمان کے مطابق گرفتار مسافر خواتین کو مزید قانونی کارروائی کیلئے انسداد انسانی سمگلنگ سرکل کراچی منتقل کر دیا گیا ہے۔
