لاہور۔وزیراطلاعات ونشریات عطاء اللہ تارڑنے کہا ہے کہ نومئی ملکی تاریخ کاسیاہ ترین دن ہے،پی ٹی آئی والوں نے ملک کے دفاع اورسالمیت کو نقصان پہنچانے کی کوشش کی،نومئی ناقابل معافی جرم ہے،ماسٹرمائنڈ کو بھی سزاہوگی۔
یہاں ایک عوامی اجتماع سے خطاب کرتے ہوئے عطاء اللہ تارڑ نے کہا کہ مسلم لیگ ن کے دورحکومت میں ہمیشہ ملک میں ترقی ہوئی،معیشت بہتری کی جانب گامزن ہے، مہنگائی میں نمایاں کمی آئی ہے،روپیہ مستحکم،سٹاک مارکیٹ اوپرجارہی ہے۔
وزیراطلاعات عطاء اللہ تارڑنے کہا کہ نومئی ملکی تاریخ کاسیاہ ترین دن ہے،پی ٹی آئی والوں نے ملک کے دفاع اورسالمیت کو نقصان پہنچانے کی کوشش کی،شہداء کی یادگاروں کی بے حرمتی کی گئی،نومئی ناقابل معافی جرم ہے،ماسٹرمائنڈ کو بھی سزاہوگی۔
عطاء اللہ تارڑنے کہا کہ سیاست کی آڑمیں ملک پر حملے کئے گئے،پاکستان ہے تو ہم سب ہیں،سیاسی دہشت گردی نہیں چلے گی،سیاست تہذیب وتمدن کے دائرے میں رہ کرکی جائے۔
