ابھی مذاکرات شروع نہیں ہوئے تاہم ہم سب کے ساتھ مذاکرات کرنے کو تیار ہیں،پی ٹی آئی

اسلام آباد(الفجر آن لائن) اپوزیشن لیڈر عمر ایوب نے کہا ہے کہ ابھی مذاکرات شروع نہیں ہوئے تاہم.ہم سب کے ساتھ مذ اکرات کرنے کو تیار ہیں‘سپیکر سے مذاکرات کے حوالے سے کوئی بات نہیں ہوئی۔پی ٹی آئی رہنما اسدقیصر نے کہا کہ مذاکرات جب بھی ہوں گے، اوپن ہوں گے،سب کے سامنے ہوں گے‘مزاکرات خفیہ نہیں کریں گے لوگوں کے سامنے ہوگا۔میڈیا سے گفتگوکرتے ہوئے عمر ایوب نے کہا کہ بانی پی ٹی ْآئی نے کمیٹی بنادی ہے، کمیٹی کے نام بھی بتادئیے ہیں‘ ہم کمیٹی کے ارکان اب مزاکرات کے لئے دستیاب ہیں‘اسپیکر سے مزاکرات کے حوالے سے کوئی بات نہیں ہوئی۔

انہوں نے کہا کہ اسپیکر سے میں اور عامر ڈوگر نے گزشتہ روز انکی ہمشیرہ کے انتقال پر تعزیت کی تھی‘ گزشتہ رات اسد قیصر اور سلمان اکرم راجہ نے بھی اسپیکر سے تعزیت کرنے گئے تھے۔صحافی نے سوال کیا کہ اگر اسپیکر مزاکرات میں مثِبت کردار ادا کرنا چاہیں تو آپ کیا کہتے ہیں۔تو عمرایوب نے کہا کہ اگر اسپیکر قومی اسمبلی مذاکرات کرانے میں مثبت کردار، ادا کریں تو اچھی بات ہے۔جب ان سے پوچھا گیا کہ کیا یہ آپ کے موقف میں تبدیلی نہیں؟تو انہوں نے کہا کہ ہمارے موقف میں کوئی تبدیلی نہیں بانی پی ٹی آئی نے پہلے بھی کمیٹی کو اختیار دیاتھا‘ اب بھی بااختیار کمیٹی بنائی ہے‘ان لوگوں کو احساس ہورہا ہے کہ تحریک انصاف کو زور زبردستی کچلا نہیں جاسکتا‘جب تک سیاسی مزاکرات آگے نہیں بڑھیں گے ملک ترقی نہیں کرسکتا۔

ایک صحافی نے سوال کیا کہ حکومت کہتی ہے ایک طرف سول نافرمانی کی تحریک ہمارے اوپر مسلط کرکے پھر زور زبردستی سے کہتے ہیں مزاکرات بھی کرو؟تو عمر ایوب خان نے کہا کہ سول نافرمانی کی تحریک پر امن ہوتی ہے، اس میں کوئی چیز توڑتو نہیں رہے۔جب ان سے پوچھا گیا کہ پہلے آپ کا نوقف تھا کہ صرف اسٹیبلشمنٹ سے بات ہوگی اب تبدیلی آئی ہے آپ کی سوچ میں؟ توانہوں نے کہا کہ ہمارا موقف ہے کہ جو بھی ہم سے بات کرنا چائیے، بس وہ بااختیار ہو،ہمارے مطالبات سامنے ہیں کہ اسیران کی رہائی اور، 9 مئی یا 24 نومبر کے واقعات پر جوڈیشل کمیشن کی تشکیل ہے۔

پی ٹی آئی رہنما اسد قیصر نے میٍڈیا گفتگو میں کہا کہ‘اسپیکر کے ان کی ہمشیرہ کی وفات پر تعزیت کے لئے گئے‘حکومت سے ابھی تک کوئی مزاکرات شروع نہیں ہوئے‘مزاکرات جب بھی ہوں گے، اوپن ہوں گے،سب کے سامنے ہوں گے‘مزاکرات کیسے ہوں گے اس کی تفصیلا ت میں جائیں‘مزاکرات خفیہ نہیں کریں گے لوگوں کے سامنے ہوگا‘ابھی مزاکرات کے حوالے سے قوائدو ضوابط طے ہورہے ہیں‘ہمارے بانی پی ٹی آئی اور ورکرز کوگرفتار کیا گیا ہے‘ہمارا مینڈیٹ زبردستی ہم۔سے لیا گیا ہے،پختون کمیونٹی کو اٹھارہے ہیں‘پنجاب پولیس اور اسلام آباد پولیس کا رویہ مناسب نہیں ہے‘یکجہتی کو نقصان پہنچایا جارہا ہے‘ہماری کوشش ہے پاکستانی کی حیثیت سے اس، معاملے کواٹھائیں اس کے بڑے نقصانات ہورہے ہیں