کوئٹہ (الفجرآن لائن) اعلیٰ بلوچستان میر سرفراز بگٹی نے بارکھان میں کاؤنٹر ٹیررازم ڈیپارٹمنٹ (سی ٹی ڈی) کی جانب سے کی جانے والی کامیاب کارروائی پر گہرے اطمینان کا اظہار کیا ہے۔ انہوں نے فتنہ الہندوستان کے دہشت گردوں کے خلاف سی ٹی ڈی کے آپریشن کو متبادل اور انتہائی قابل تحسین قرار دیتے ہوئے فورسز کو مبارکباد پیش کی ہے۔
وزیر اعلیٰ بلوچستان کا کہنا تھا کہ دہشت گردی کے خلاف جاری اس جنگ میں سی ٹی ڈی اور سیکیورٹی فورسز کی کارکردگی اور پیشہ ورانہ صلاحیتیں قابل ستائش ہیں۔ انہوں نے واضح کیا کہ صوبے سے دہشت گردی کے مکمل خاتمے کے لیے سیکیورٹی فورسز، پولیس اور سی ٹی ڈی کا عزم غیر متزلزل ہے اور اس حوالے سے کوئی سمجھوتہ نہیں کیا جائے گا۔
میر سرفراز بگٹی نے مزید کہا کہ بلوچستان میں پائیدار امن و امان کے قیام اور دہشت گردی کی ہر شکل کو مٹانے کے لیے حکومت تمام دستیاب وسائل بروئے کار لا رہی ہے۔ انہوں نے دہشت گردی کے خلاف جنگ میں سیکیورٹی فورسز اور پولیس اہلکاروں کی لازوال قربانیوں کو زبردست خراج تحسین پیش کرتے ہوئے کہا کہ پوری قوم ان کی قربانیوں کو قدر کی نگاہ سے دیکھتی ہے۔
اپنے بیان کے آخر میں وزیر اعلیٰ نے اس عزم کا اعادہ کیا کہ فتنہ الہندوستان کے مذموم عزائم کو ہر قیمت پر خاک میں ملایا جائے گا اور دشمن کے ناپاک ارادوں کو ناکام بنانے کے لیے سیکیورٹی فورسز کی ٹارگٹڈ کارروائیاں اور آپریشنز اسی طرح پوری قوت سے جاری
