پی ٹی آئی نے مذاکرات کے لیے کمیٹی بنائی ہے لیکن بات چیت کا پیغام نہیں دیا، رانا ثنا اللہ

اسلام آباد (الفجرآن لائن) وزیرِ اعظم کے مشیر برائے سیاسی امور رانا ثنا اللّٰہ نے کہا ہے تحریکِ انصاف نے مذاکرات کے لیے کمیٹی بنائی ہے لیکن بات چیت کا پیغام نہیں دیا، اگر مذاکرات کا پیغام بھیجا تو ہم انکار نہیں کریں گے۔ میڈیا سے گفتگو کرتے ہوے انہوں نے کہا کہ فائنل کال سے پہلے تحریکِ انصاف سے رابطہ کیا گیا تھا، تاہم بانی پی ٹی آئی کی رہائی کی بات نہیں ہوئی تھی۔ انہوں نے کہا کہ مسلم لیگ ن نے ہمیشہ مذاکرات کی حمایت کی ہے، جب ہم اپوزیشن میں تھے تب بھی ہم نے چارٹر آف اکانومی پیشکش کیا تھا۔انہوں نے کہا کہ تحریکِ انصاف نے مذاکرات کے لیے کمیٹی بنائی ہے لیکن بات چیت کا پیغام نہیں دیا، تحریکِ انصاف کا ہمارے لیے ابھی یہی پیغام ہے کہ ہم آپ سے کیوں مذاکرات کریں۔ اگر تحریکِ انصاف نے مذاکرات کا پیغام بھیجا تو ہماری طرف سے انکار نہیں کیا جائے گا۔ انہوں نے کہا کہ مدارس کی رجسٹریشن کا معاملہ بیٹھ کر سلجھایا جا سکتا ہے، اس معاملے میں کوئی ڈیڈ لاک والی بات نظر نہیں آ رہی۔ سوسائٹی ایکٹ یا وزارتِ تعلیم سے رجسٹرڈ ہونے سے کوئی فرق نہیں پڑتا۔