پولیس نے سی سی ٹی وی، گولیوں کے خول ،دیگر شواہد اکٹھے کرکے تحقیقات شروع کردیں
کراچی(الفجر آن لائن) کراچی میں نامعلوم ملزمان کی فائرنگ سے سیکیورٹی ادارے کا ملازم جاں بحق ہوگیا۔پولیس کے مطابق بہادرآباد، چار مینار چورنگی کے قریب نامعلوم افراد کی فائرنگ سے ایک شخص شدید زخمی ہوگیا جو ہسپتال منتقلی کے دوران دم توڑ گیا۔پویس کے مطابق مقتول کی شناخت عدنان عباسی کے نام سے ہوئی ہے جو سیکیورٹی ادارے کا ملازم ہے۔پولیس کے مطابق مقتول سسرال آیا ہوا تھا، قتل میں ملوث موٹر سائیکل سوار 2ملزمان میں سے ایک دور کھڑا رہا جبکہ دوسرا ملزم ہیلمٹ پہنے مقتول کا 20منٹ تک انتظار کرتا رہا،مقتول جیسے ہی گھر سے واپس جانے کیلئے نکلا تو ہیلمٹ پہنے ملزم نے اسے گولیاں ماریں اور فرار ہوگیا۔پولیس نے جائے وقوعہ سے سی سی ٹی وی، گولیوں کے خول اور دیگر شواہد اکٹھے کرکے تحقیقات شروع کردی ہیں
